पाँचथर । पाँचथरमा १० हजार १ सय ५७ जना मतदाताहरु थपिएका छन् । गत साउन १ गतेदेखि जिल्लामा सञ्चालन भएको मतदाता नामावली संकलनमा उनीहरु थपिएको जिल्ला निर्वाचन कार्यालयका निर्वाचन अधिकारी ध्रुव कुमार राईले जानकारी दिए ।
जसमध्ये ५ हजार ३ सय ४३ जना पुरुष,र ४ हजार ८ सय १४ जना महिला मतदाताहरु रहेको जिल्ला निर्वाचन कार्यालय पाँचथरले जनाएको छ । यस्तै, १ सय ७० जनाको त्रुटी सच्चाइएको,२ सय ४० जनाको नाम सारेको र ५३ जनाको दोहोरो र मृत्यु भएकोले हटाइएको वताइएको छ ।
गत साउन १ गतेदेखि जिल्ला निर्वाचन कार्यालयमा र भदौ १६ गतेदेखि गाउँपालिकामा मतदाता नामावली संकलन गरिएको उनले जानकारी दिए । यस्तै मतदाता नामावली भदौ ३ गते सम्मका लागि थप भएको पनि उनले बताए ।
