-
-
-
-
मुजफ्फरनगर । भारत उत्तर प्रदेशको मुजफ्फरनगरमा रेल दुर्घटना हुँदा कम्तिमा २३ जनाको मृत्यु भएको छ । मुजफ्परनगरको खतौल नजिकै भएको दुर्घटनामा ६० भन्दा बढी यात्रु घाइते भएका छन् ।
पुरीबाट हरिद्वारका लागि छुटेको उत्कल एक्सप्रेसको रेल दुर्घटना हुँदा त्यसका १२ वटा डिब्बा लिक बाहिर गएका थिए ।
घाइते सबैको सरकारी तथा निजी अस्पतालमा उपचार भइरहेको छ ।
रेलका अरु झण्डै दुई हजार यात्रुलाई बसमार्फत गन्तव्यतर्फ पठाएको प्रहरीले जनाएको छ ।
रेल तीव्र गतिका कारण दुर्घटना भएको हुन सक्ने जनाइएको छ । रेल दुर्घटना हुँदा १०५ किलोमिटर प्रतिघण्टाको गतिमा थियो ।
