-
-
-
-
काठमाडौं । उत्तर कोरियाले फेरि मिसाइल परीक्षण गरेको छ । मंगलबार बिहान उत्तर कोरियाले जापानको जमिनमाथिबाट जाने गरी मिसाइल प्रहार गरेको हो ।
यस पटक उत्तर कोरियाले प्रहार गरेको मिसाइल जापानको उत्तरी क्षेत्रमाथिबाट गएर समुद्रमा खसेको छ ।
सुरक्षात्मक चुनौतीका कारण जापानले मिसाइल ध्वस्त पार्नका लागि केही प्रयास नगरेको पनि अन्तर्राष्ट्रिय समाचार संस्थाहरुले जनाएका छन् ।
जापानी प्रधानमन्त्री सिन्जो आबेले यो मिसाइल परीक्षण आफूहरुका लागि अभूतपूर्व चुनौती भएको बताएका छन् ।
मिसाइल समुद्रमा खस्नुअघि तीन टुक्रा भएको जनाइएको छ । जापानको माथिबाट जाने गरी मिसाइल परीक्षण गरेको यो पहिलो पटक हो ।
