-
-
-
-
सिलिगुडी । लामो समयदेखि गोर्खाल्यान्ड माग गर्दै आन्दोलन गरिरहेका आन्दोलनकारी दलहरुसंग सरकारले वार्ता गर्दैछ । मंगलबार आन्दोलनरत दल र पश्चिम बंगाल सरकारबीच वार्ता हुन लागेको हो ।
मुख्यमन्त्री ममता बेनर्जीको आह्वानमा सिलिगुडीको उत्तरकन्यामा वार्ता हुन लागेको जनाइएको छ । वार्ताका लागि मुख्यमन्त्री बेनर्जी सोमबारै सिलिगुडी पुगिसकेकी छिन् ।
सिलिगुडी वार्तामा गोर्खा जनमुक्ति मोर्चाका दुबै गुट (दुई साताअघि आन्दोलन कसरी लैजाने भन्नेमा मतभेद भएपछि गुट बनेको ), गोरखा राष्ट्रिय मुक्ति मोर्चा, जनआन्दोलन पार्टी र हिल तृणमुल सहभागी बन्ने भारतीय संचारमाध्यमले जनाएका छन् ।
यसअघि भने मुख्यमन्त्री बेनर्जीले कुनै पनि हालतमा गोर्खाल्याण्डबारे वार्ता नगर्ने भन्दै आन्दोलनकारीलाई चिंढाएकी थिइन् ।
