arrow

अवैध पटाका कारखानामा विस्फोट, आठको मृत्यु

logo
प्रकाशित २०७४ असोज ९ सोमबार
blast-at-fire-crackers-factory-india.jpg

नयाँ दिल्ली । पूर्वी भारतीय राज्य झारखन्डमा रहेको पटाका कारखानामा भएको आगलागीका कारण आठ व्यक्तिको मृत्यु भएको छ। यस आगलागीमा परी अन्य २५ जना घाइते भएका प्रहरीले जानकारी दिएको छ। गैरकानूनी रुपमा सञ्चालनमा रहेको यस कारखानामा सोमबार आगलागी भएको थियो।

प्रहरीले यस समाचारको विस्तृत विवरण भने दिएको छैन। उक्त कारखानामा अवैध रुपमा सञ्चालन गरिएको र त्यहाँ भएको विस्फोटमा परी आठको मृत्यु भएको र अरु २५ जना घाइते भएको जनाएको छ।

घाइतेमध्ये अधिकांशको अवस्था चिन्ताजनक छ। उनीहरुलाई अस्पताल भर्ना गरिएको छ। मृतकको सङ्ख्या अझै बढ्नसक्ने समेत प्रहरीले अनुमान गरेको छ।

कारखानामा के कसरी आगलागीको घटना भयो भन्ने बारेमा अनुसन्धान सुर भएको प्रहरीले जनाइएको छ। रासस-सिन्ह्वा



लोकप्रिय समाचार
लोकप्रिय समाचार
नयाँ