काठमाडौँ । चुनावका बेलामा बाम गठबन्धन भएपछि नेपाली काँग्रेस पनि प्रजातान्त्रिक धारसंग एकता गरी अगाडि बढ्ने सोचमा लागेको छ ।
मंगलबार नेकपा एमाले, नेकपा माओवादी केन्द्र र नयाँ शक्ति पार्टीबीच चुनावी एकता भएपछि काँग्रेस पनि एकता गरी अगाडि बढ्न कसरी सकिन्छ भन्ने सोचमा लागेको हो ।
काँग्रेस सभापति एवं प्रधानमन्त्री शेरबहादुर देउवाले मंगलबारै संघीय समाजवादी फोरमका अध्यक्ष उपेन्द्र यादव, राष्ट्रिय प्रजातन्त्र पार्टीका अध्यक्ष कमल थापा, नेपाल लोकतान्त्रिक फोरमका अध्यक्ष विजयकुमार गच्छदारसँग छलफल गरेका छन् ।
देउवाले बुधबार राप्रपा प्रजातान्त्रिक र राष्ट्रिय जनता पार्टी नेपालका अध्यक्षसंग पनि छलफल गर्दैछन् ।
यसैबीच, राप्रपा प्रजातान्त्रिकले काँग्रेससंग छलफलमा बस्नुअघि आन्तरिक छलफल गर्ने भएको छ ।
पार्टी महामन्त्री धु्रबबहादुर प्रधानका अनुसार पार्टीको छलफल बुधबार बिहान ११ बजे बस्दैछ । उक्त बैठकले निकालेको निचोडपछिमात्र प्रधानमन्त्री देउवासंग छलफलमा बस्ने उनले बताए ।
