दक्षिण कोरियाली अदालतले दियो पूर्व राष्ट्रपति पार्कको कारावास सजाँय थप गर्न आदेश
प्रकाशित २०७४ असोज २७ शुक्रबार
245
Shares
सोल, दक्षिण कोरिया। दक्षिण कोरियाली एक अदालतले शुक्रबार भ्रष्टाचार प्रकरणमा महाभियोगपछि संसद तथा अदालतबाट दोषी ठहर भई काराबास सजाँय भोग्दै आएका पूर्व राष्ट्रपति पार्क ग्युन हेको कारावास सजाँयलाई थप छ महिना बढाउने आदेश दिएको छ ।
कोरियाली संवैधानिक अदालतले घुस तथा पदीय आचरण विरोधि काम गरेको ठहर गर्दै पार्कमाथिको महाभियोगलाई अनुमोदन गर्दै यही बर्ष मार्च महिनाको अन्त्यमा छ महिनाका लागि हिरासतमा लिइएको थियो ।
सोलको केन्द्रिय जिल्ला अदालतले पार्कलाई थप अनुसन्धानका लागि अर्को छ महिना हिरासतमा लिन शुक्रबार पक्राउ आदेश जारी गरेको छ । पार्क र उनका लामो समयदेखि निकट सहयोगी रहेका चोई सुन सिललाई भ्रष्टाचार प्रकरणमा नियन्त्रणमा लिइएको थियो ।
यस पहिलेको अदालतको निर्णय अनुसार पार्क आगामी सोमबार कैदमुक्त हुनु पर्ने थियो । दक्षिण कोरियाली संविधानअनुसार कुनै अपराधको शङ्का गरिएका व्यक्तिलाई अधिकतम छ महिना हिरासतमा राखी अनुसन्धान अगाडी बढाउन पाइन्छ । सिन्ह्वा
