-
-
-
-
काठमाडौं । म्यानमारकी नेतृ आङ साङ सुकी पहिलो पटक भ्रमणमा लागेकी छिन् । नोबेल शान्ति पुरस्कार विजेता सुकी सरकारमा गएपछि म्यानमारमा रहेका रोहिन्या मुस्लिमलाई दमन भएको भन्दै संयुक्त राष्ट्रसंघले समेत चर्को विरोध गरिरहँदा सुकीको भ्रमण भएको हो ।
सुकी देशमा हिंसा भड्किएपछि पहिलो पटक भ्रमणमा लागेकी हुन् । उनी ‘राखिने’ पुगेको सरकारी अधिकारीलाई उधृत गर्दै बिबिसीले बताएको छ ।
औपचारिक घोषणा विनै सुकीले एक दिने भ्रमण तय गरेकी हुन् ।
उनी क्षेत्रीयराजधानी ‘सित्वे’ र अन्य शहरहरुको भ्रमण गर्ने बुझिएको छ ।
रोहिन्या मुस्लिमलाई दमन गरेको आरोप सुकीलाई लाग्दै आएको छ ।
सुकीले यसको खण्डन गर्दै आएकी छिन् ।
म्यानमार सरकारको मारमा परेर चार लाख भन्दा बढी रोहिन्या मुस्लिमहरु गत अगस्ट महिनादेखि बंगलादेशको शरणमा छन् ।
