रमेश लेखकको विकासको प्रभाव : जोगबुढा पारीका पुरै बस्ती काँग्रेसमा प्रवेश
प्रकाशित २०७४ कार्तिक २३ बिहिबार
607
Shares
काठमाडौं । रमेश लेखले मन्त्री हुँदा गरेको विकासले गर्दा धेरै सुविधा पाएको एउटा गाउँ नै काँग्रेसमा प्रवेश गरेको छ । २०७० सालको चुनावमा भोट माग्न जाँदा लेखकलाई गाउँलेबासीले राखेको समस्या उनले समाधान गरिदिएपछि बिहीबार आयोजित एक कार्यक्रमकाबीच पुरै गाउँले नै लेखकलाई भोट हाल्ने भन्दै काँग्रेसमा प्रवेश गरेका हुन् ।
जोगबुढा नदीमा पुल नहुँदा वर्षको ६ महिना बाल बच्चा स्कुल जानबाट वञ्चित हुनु परेको त्यो गाउँलेले अघिल्लो संविधान सभाको चुनावमा आफ्नो बच्चाहरुलाई विद्यालय जान सक्ने बनाईदिन आग्रह गरेका थिए । उनीहरुले त्यो जिम्मा रमेश लेखकको टाउकोमा बोकाएका थिए ।
लेखकले पनि चुनाव जितेपछि सबैभन्दा पहिले त्यही समस्यामा परेका गाउँले सम्झिए । त्यही गाउँमा विद्यालय जान नपाएका विद्यार्थीहरु सम्झिए र त्यहाँको दुख सम्झिए । अहिले उनी भोट माग्न जाँदा त्यहाँ विकासले नयाँ मुहार फेरेको छ । विकाससँगै गाउँलेको मुहार पनि फेरिएको छ ।
पहिले मोटरसाईकलको कल्पना पनि गर्न नसक्नेहरु अहिले घरैसम्म मोटरसाईकल लैजान थालेका छन् । वारी रहेको बजारसँग नियमित सम्पर्क हुन थालेको छ भने गाउँको दैनिकी नै बदलिएको छ । विद्यालय जानबाट विद्यार्थीहरु बञ्चित हुनुपरेको छैन भने सबै काममा सहजता सिर्जना भएको छ ।
बिहीबार त्यही गाउँमा पुगेका लेखकलाई उनीहरुले मन्द मुस्कानका साथ स्वागत गरेका थिए । लेखकले आफ्नो प्रतिवद्धताको पोको त यस अघि नै पठाईसकेका थिए । भोट माग्दै आएका ती गाउँबासीले खुशी हुँदै सामुहिक निर्णय गरी रमेश लेखकलाई नै भोट दिने बाचा मात्रै गरेनन् । अब यो गाउँ नै काँग्रेसी भएको बताए । त्यो गाउँमा झण्डै ४५ घर रहेका छन् ।
