-
-
-
-
ट्युनिस । ट्युनिसियाको संसदले मोहम्मद मानश्रीलाई निर्वाचनका लागि स्वतन्त्र उच्चस्तरीय प्राधीकरणको नयाँ अध्यक्षमा चयन गरेको छ ।
संसदमा मङ्गलबार भएको निर्वाचनमा ४३ वर्षीय मानश्रीको पक्षमा ११५ मत परेको जानकारी दिइएको छ ।
अहिलेको संसदमा बहुमत ल्याउनका लागि १०९ मत ल्याउनुपर्ने अवस्था रहेको अधिकारीहरूले बताएका छन् ।
ट्युनिसियाको निर्वाचन गराउने निकायका प्रमुखको चयन संसदबाट गर्ने व्यवस्था रहेको छ ।
यसअघिका अध्यक्ष चाफिक सर्सारले राजीनामा दिएपछि गत मेदेखि सो पद खाली नै रहेको थियो ।
नयाँ अध्यक्ष मानश्री गत जनवरीमा प्राधीकरणको सदस्यका रूपमा निर्वाचित भएका थिए । उनी व्यवसायीक वकिल हुन् भने उनका तीन जना छोराछोरी छन् ।
नवनिर्वाचित अध्यक्षलाई आउँदो नगर निर्वाचन सम्पन्न गराउने ठूलो चुनौती रहेको छ । आउँदो सन् २०१८ को मार्च २५ तारिखका दिन निर्वाचन गराउने तय भइसकेको छ । सिन्ह्वा
