-
-
-
-
रौतहट । बम विष्फोट हुँदा रौतहटमा आमा छोरा घाइते भएका छन् । रौतहटको चन्द्रपुर गाउँपालिकाको राधाकृष्ण मन्दिर छेउमा अज्ञात समूहले बम विस्फोट गराएको प्रहरीले जनाएको छ ।
विष्फोटमा सात वर्षीय जैदिक राय र ३१ वर्षीया सरिता राय घाइते भएका हुन् । आमा छोरा दुवैको भरतपुर अस्पतालमा उपचार भइरहेको छ ।
विष्फोट कुनै दल विशेषलाई लक्षित नगराई मन्दिरमा आउजाउ गर्नेहरुलाई लक्षित गरी गराइएको रौतहट प्रहरीको भनाई छ ।
विष्फोटमा परी अन्य केही स्थानीय पनि घाइते भएका छन् । विष्फोटको जिम्मेवारी अहिलेसम्म कसैले लिएको छैन ।
