-
-
-
-
काठमाडौं । मोरक्कोमा भागदौड मच्चिँदा कम्तिमा १५ जनाको मृत्यु भएको छ ।
एसुएरा प्रान्तको सिदी बोउलालम शहरमा राहतमा आएको खाद्यान्न सामग्री वितरण भइरहेको ठाउँमा एक्कासी भागदौड मच्चिएपछि ठूलो संख्यामा हताहती भएको हो ।
घटनामा ४० जना भन्दा बढी घाइते भएका छन् ।
ज्यान गुमाउने तथा घाइते हुनेमा धेरैजसो महिला र बृद्धबृद्धा रहेको स्थानीय सञ्चारमाध्यमलाई उधृत गर्दै बीबीसीले जनाएको छ ।
जिनी संस्थाले बाँडेको उक्त खाद्यान्न लिनका भएको भागदौडको खास कारण खुल्न सकेको छैन ।
