भेनेजुयलाको निर्वाचन प्रणाली विश्वकै सर्वाधिक विश्वसनीय र पारदर्शी: सञ्चार मन्त्री रोड्रिग्युज

प्रकाशित २०७४ मंसिर १६ शनिबार

काराकास । भेनेजुयलाको सरकार र विपक्षी दलका प्रतिनिधिबीचमा राजनीतिक संकट समाधानका बारेमा वार्ता भएको छ ।

डोमेनिकन रिपब्लिकमा शुक्रबार दुई दिने वार्ता शुरु भएको अधिकारीहरुले जनाएका छन् ।

सरकारको तर्फबाट प्रतिनिधित्व गरेका भेनेजुयलाका सञ्चार मन्त्री जोर्गे रोड्रिग्युजले यसअघि सहमति भएका विषयमा छलफल भइरहेको जानकारी दिए।

उनले भेनेजुयलाको निर्वाचन प्रणाली विश्वकै सर्वाधिक विश्वसनीय र पारदर्शी प्रणाली मध्येमै पर्ने बताए ।

वार्तामा विपक्षीको तर्फबाट सहभागी प्रतिनिधिमध्येका प्रमुख जुलिओ बोर्गेसले आफु भेनेजुयलाका नागरिकको आधारभूत अधिकारका लागि लडिरहेको बताए ।

उनले अधिकार नपाउदासम्म आफुहरुको संघर्ष जारी रहने अठोट पनि गरेका छन् ।

भेनेजुयलाको विपक्षी पार्टीले राष्ट्रपति निकोलस माडुरोको प्रशासनले मुलुकलाई आर्थिक संकटमा फसाएको र नागरिकलाई अधिकार नदिएको भन्दै आन्दोलन गरिरहेको छ । सिन्ह्वा