‘ब्याचलर’ राहुल गान्धी भारतीय राष्ट्रिय कांग्रेस पार्टीको अध्यक्ष
प्रकाशित २०७४ मंसिर १९ मंगलबार
325
Shares
काठमाडौं । राहुल गान्धी भारतीय प्रमुख विपक्षी दल भारतीय राष्ट्रिय कांग्रेसको अध्यक्ष हुने पक्का पक्की भएको छ । उम्मेदवारी मनोनयन गराउने समय सोमबारसम्म उनको मात्र उम्मेदवारी परेपछि राहुल अबका काँग्रेस आईका अध्यक्ष हुने भएका हुन् ।
सन् १९९८ देखि अध्यक्ष रहेकी राहुलकी आमा सोनिया गान्धीले स्वास्थ्यलगायतको कारण देखाउँदै पद छोड्न चाहेपछि राहुललाई अगाडि सारिएको हो ।
पाँच वर्षदेखि उपाध्यक्ष रहेका राहुललाई सिंगो काँग्रेस आईको अग्रपंक्तिका नेताहरुको साथ रहेको छ ।
राहुलको मनोयन प्रस्ताव लिएर पूर्व प्रधानमन्त्री मनमोहन सिंह गएका थिए ।
राहुलले पनि सबैको साथ पाए उक्त पद सम्हाल्न सक्षम हुने बताएका छन् ।
काँग्रेस आईको १३२ वर्षे इतिहासमा यो समय सबैभन्दा खराव लयमा चलिरहेको छ ।
राहुलले सिंगो पार्टीलाई हाँक्न सक्लान् कि नसक्लान् शंका छ ।
तर भगवानप्रति विश्वास राख्ने ‘ब्याचलर’ राहुलले अवश्य नरेन्द्र मोदीको एकलौटी राजलाई ढाल्न नयाँ युवा नीति लिएर आउने अनुमान धेरैको छ ।
