-
-
-
-
काठमाडौं । प्रदेश नम्बर ३ का नेपाली काँग्रेसका जिल्ला सभापतिहरु गोप्य छलफलमा जुटेका छन् ।
काठमाडौंमा जुटेका उनीहरुबीच पछिल्लो राजनीतिक विषयमा छलफल भइरहेको छ ।
भक्तपुर जिल्ला सभापति दुर्लभ थापाले समसामयिक विषयमा गोप्य भेलामा रहेको बताए ।
उनले दिवा खानापछि छलफलले अझ गम्भीर रुप लिने बताए ।
नुवाकोट जिल्ला सभापति जगदीश्वर नरसिंह केसीले स्थानीय तहको निर्वाचनदेखि अहिलेसम्मको अवस्था र काँग्रेसी परिणामलाई लिएर छलफलमा जुटेको बताए ।
उनले काँग्रेस अब कसरी अगाडि बढ्नु पर्छ त भनेर क्षेत्र नम्बर ३ बारे निष्कर्ष निकाल्ने बताए ।
अहिलेको प्रदेशको अस्थायी राजधानीबारे चर्केको बहसको एजेन्डा भने नभएको नेता केसीले बताए पनि थापाले भने यो विषय पनि उठ्ने जानकारी दिए ।
गोप्य छलफलमा धादिङ र ललितपुरका बाहेक क्षेत्र नम्बर ३ का सबै कांग्रेस जिल्ला सभापतिहरु सहभागी छन् ।
धादिङ जिल्लाका सभापति उपस्थित भएनन् भने ललितपुरका जिल्ला सभापति विदेशमा छन् ।
