चिनियाँ सरकारी थिंक ट्यांक पनि मोदीको 'फ्यान' !

प्रकाशित मिति : २०७४ माघ १८ बिहिबार
तस्वीर : वेव

काठमाडौ । डोकलाममा दुबै देशबीच कडा टक्कर परेको चीनले भारतको विदेश नीतिमाथि महत्वपूर्ण टिप्पणी गरेको छ । चीनले भारत सरकारको विदेश नीति जीवन्त र उत्कृष्ट रहेको जनाएको हो । चीनको सरकारी थिंक ट्याङ्कका वरिष्ठ अधिकारीले प्रधानमन्त्री नरेन्द्र मोदीको कार्यकालमा भारतको जोखिम लिने क्षमतामा बृद्धि भएको बताएका हुन् । 

चाइना इन्स्टिट्यूट अफ इन्टरनेशनल स्टडिजका उपाध्यक्ष रोंग यिंगले पछिल्लो ३ वर्ष यता भारतको कूटनीति अहिलेसम्मकै उत्कृष्ठ मोडमा पुगेको बताएका छन् । चीनको विदेश मन्त्रालयसँग सम्बद्ध थिंक(ट्याङ्कका ती अधिकारीले भारतद्वारा पछिल्लो समय अचम्मसँग ुमोदी डक्ट्रीनु बनाएको बताएका छन् । यो निकट भविष्यमा नै एक उदीयमान शक्तिको रुपमा भारतले सम्मानजनक स्थान पाउने रणनीति पनि देखिन्छ । उनले जर्नलमा लेखिएको एक लेखमा यस्तो बताएका हुन् । मोदी सरकार माथि यस्तो सकारात्मक टिप्पणी गरेको चिनियाँ थिंक ट्यांकले यो पहिलो पटक हो । 

उनले भारतको चीन दक्षिण तथा दक्षिणपूर्वी एशियाका देशहरुसँगको सम्बन्ध तथा अमेरिका वा जापानसँगको घनिष्ठ सम्बन्धको पनि समीक्षा गरेका छन् । मोदी आएपछिको भारतीय विदेश नीतिका कारण अहिले परस्परमा सम्बन्ध सुधारिएको छ । मोदी प्रधानमन्त्री बनेर आएपछि चीनसँगको सम्बन्ध पनि स्थिर बनेको उनले दाबी गरेका छन् ।

उनले भनेका छन् 'चीन-भारत सीमामा सिक्किम क्षेत्रमा डोकलामको घटनाले केवल बोर्डरको मुद्दा प्रकाशमा आयो । यसले दुबै देशबीचको सम्बन्ध तनावपूर्ण बन्न पुगेको थियो ।' भारतको यो विदेश नीतिका कारण भारत र चीनबीच सहयोग तथा प्रतिस्पर्धाका साथ(साथ अघि बढ्ने प्रचलन सुरु भएको बताईएको छ ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ