हङकङमा दुई तले बस दुर्घटना १८ जनाको मृत्यु, ६२ घाइते
प्रकाशित २०७४ माघ २८ आइतबार
419
Shares
हङकङ । चीनको विषेश प्रशासनिक क्षेत्र हङकङमा शनिबार भएको सडक दुर्घटनामा परी कम्तीमा १८ को मृत्यु भएको छ ।
दुई तले बस दुर्घटनामा परी ६२ जना घाइते भएको अधिकरीले जानकारी दिएका छन् ।
अधिकरीका अनुसार घाइतेमध्ये दश जनाको अवस्था गम्भीर छ भने १५ जनालाई गहिरो चोट लागेको छ । केही भने सामान्य घाइते भएका छन् ।
प्रहरीले दुर्घटनामा परेको बसका ३० बर्षीय चालकलाई नियन्त्रणमा लिइएको जनाएको छ ।
घाइते र मृतकहरुलाई बसको माथिल्लो तलाबाट बाहिर निकालिएको उद्धारमा खटिएकाले जानकारी दिएका छन् । उनीहरुका अनुसार मृत्यु भएका मध्ये अधिकांशको टाउकोमा चोट लागेको थियो ।
शाटिनबाट ताई पोतर्फ जाँदै गरेको बेला स्थानीय समयानुसार बेलुका ६ः१५ बजे ताई पो सडकमा दुर्घटना भएको थियो । दुर्घटना हुनु अगाडि बस अति तिब्र गतिमा दौडीएको केही यात्रुले बताएका छन् ।
