-
-
-
-
काठमाडौं । अमेरिकाको फ्लोरिडास्थित एक विद्यालयमा एक युवकले अन्धाधुन्ध गोली चलाउँदा कम्तिमा १७ जनाको मृत्यु भएको छ ।
फ्लोरिडाको पार्कल्याण्डमा रहेको मर्जोरी स्टोनेमन डग्लसुु नामको उच्च माध्यिमक विद्यालयमा गोली चलाइएको हो ।
उक्त विद्यालयका पूर्व विद्यार्थी रहेका १९ वर्षीय निकोलस क्रुजले विद्यालयमा प्रवेश गरी गोली चलाएका हुन । ती युवकलाई गिरफ्तार गरिएको सुरक्षा निकायले जनाएको छ ।
प्रहरीले दिएको जानकारी अनुहार १२ जनाको मृत्यु भवनभित्र, दुई जनाको विद्यालय परिसरमा, दुई जनाको सडकमा र एक जनाको अस्पताल पुगेपछि मृत्यु भएको थियो ।
यो घटना सन् २०१२ मा पनि अमेरिकी एक स्कुलमा यस्तै घटना हुँदा २० जनाको मृत्यु भएको थियो ।
