-
-
-
-
काठमाडौं । साउदी अरबका राजा सलमानले सेना प्रमुखसहित उच्च सैन्य अधिकारीहरुलाई बर्खास्त गरेका छन् ।
उनीहरुलाई बर्खास्त गर्नुको कारण भने सरकारले खुलाएको छैन ।
बर्खास्त हुनेहरुमा वायु सेना र स्थल सेनाका उच्च अधिकारीहरु रहेका छन् ।
साउदी प्रेस एजेन्सीले बर्खास्त गरिएकाहरुको स्थानमा नयाँ नियुक्ति गरिएको जनाएको छ ।
रक्षा मन्त्रीसमेत रहेका राजकुमार मोहम्मद विन सलमानले सैन्य अधिकारीहरुलाई बर्खास्त गर्नुका धेरै कारण रहेको बताएका छन् ।
साउदी नेतृत्वको गठबन्धन सेनाले यमनका विद्रोहीमाथि शुरु गरेको कारबाहीको तीन वर्ष पूरा हुने बेलामा साउदी सरकारले उच्च सैन्य अधिकारीलाई बर्खास्त गरेको बीबीसीले समाचार लेखेको छ ।
