नेपालमा अपांगता भएका विद्यार्थीहरुलाई छुट्टाछुटै सफ्टवेयर विकास हुँदै
प्रकाशित २०७४ चैत ४ आइतबार
230
Shares
काठमाडौं । नेपालमा अपांगता भएका विद्यार्थीहरुलाई छुट्टाछुट्टै सफ्टवेयर विकास गरेर अध्यापन गराइने भएको छ ।
काठमाडौंको याक एण्ड यति होटलमा दुई दिनसम्म भएको सेमिनारपछि छुट्टाछुट्टै सफ्वेयर विकास गरेर अपांगता भएका विद्यार्थीहरुलाई उपलब्ध गराउने निर्णय भएको हो ।
नेपाल, भारत, म्यानमार र श्रीलंकाका ३५ फरक फरक समस्याले अपांगता भएका विज्ञहरुबीचको छलफलमा अपांगता भएकाहरुलाई १० वटा विधामा विभाजन गरिएको छ ।
इन्टरनेट सोसाइटी नेपाल च्याप्टरका महासचिव रोमाकान्त पाण्डेका अनुसार अपांगता भएकाहरुका आफ्नै समस्या भएकाले तिनीहरुबीच १० क्याटागोरीमा छुट्टाइएको छ ।
दृष्टिविहीनका छुट्टै र अन्य अपांगता भएकाका छुट्टै समस्या हुने भएकाले छुट्टाछुट्टै सफ्टवेयर बनाएर उपलब्ध गराउनु पर्नेमा पुगिएको हो ।
नेपालमा समस्याहरुको पहिचान भए पनि अन्य देशमा भने ती समस्यामा अभ्याससमेत भइरहेको पाइएको पाण्डेले हाम्राकुरालाई बताए ।
आइतबारदेखि पुल्चोक इन्जिनियरिङ कलेजमा समाधान खोजिँदै
आइतबारदेखि पुल्चोक इन्जिनियरिङ कलेजमा अपांगता भएकाहरुका लागि इन्टरनेट सफ्टवेयर बनाउने सम्बन्धमा मन्थन हुने भएको छ ।
महासचिव पाण्डेका अनुसार विभिन्न १० इन्जिनियरिङ कलेज विद्यार्थीहरु सहभागी हुनेछन् ।
