पुटिनले लगाए लाहाछाप, ६ वर्षका लागि फेरि रुसको राष्ट्रपति
प्रकाशित २०७४ चैत ५ सोमबार
481
Shares
काठमाडौं । भ्लादिमिर पुटिन फेरि रुसको राष्ट्रपति भएका छन् । आइतबार भएको राष्ट्रपतिको निर्वाचनमा उनी भारी अन्तरले विजयी हुँदै फेरि ६ वर्षका लागि रुसमाथि राज गर्नेछन् ।
पुटिन गत २० वर्षदेखि रुसमा राष्ट्रपति वा प्रधानमन्त्रीका रुपमा सत्तामा आसिन छन् ।
बीबीसीका अनुसार अधिकांश मत गनिसक्दा पुटिनले ७६ प्रतिशत भन्दा बढी मत पाएको रुसको केन्द्रीय निर्वाचन आयोगले जनाएको छ ।
पुटिन चौथो कार्यकालका लागि निर्वाचित भएका हुन् । चुनावमा पुटिनसँगै अरु सातजना उम्मेदवार थिए । पुटिन राष्ट्रपति वा प्रधानमन्त्रीका रुपमा सन् १९९९ देखि रुसको प्रमुख व्यक्तिको रुपमा रहँदै आएका छन् ।
मस्कोमा भएको र्यालीलाई सम्बोधन गर्दै पुटिनले मतदाताले पछिल्ला वर्षमा भएको उपलब्धीलाई मूल्यांकन गरेको बताएका छन् ।
विश्व राजनीतिमा अमेरिकालाई टक्कर दिन पुटिन सक्षम भएको विश्व राजनीतिमा विश्लेषण गरिन्छ ।
