-
-
-
-
काठमाडौं । तेस्रो लिङ्गीले पनि समाचार पढ्छन् र ? भन्ने लाग्छ भने तपाई गलत भइसक्नु भयो । पाकिस्तानको एक टेलिभिजन च्यानल कोहेनुरले तेस्रो लिङ्गी समाचारवाचिकालाई समाचार पढ्न दिएको छ ।
कोहेनुरले मारवीय मलिकलाई समाचारवाचिकाको रूपमा जागिर दिएको हो ।
लाहोरकी मलिक यसअघि मोडलिङ गर्दैथिइन् ।
जब उनलाई यो जागिरको अफर आयो उनका आँखाबाट आँशु झरेका थिए रे ।
बीबीसीको कुराकानीमा उनले भनिन्, ‘म जागिरको अफर सुनेर रोएँ ।’
आमसंचार विषयकी ग्राजुएट मलिकले तीन महिनाको प्रशिक्षणपछि गत शुक्रबारदेखि समाचार पढ्न थालेकी छिन् ।
उनले प्रशिक्षणका क्रममा आफूले कुनै प्रकारको भेदभाव महसुस नगरेको बताइन् ।
मलिक पाकिस्तानकी पहिलो तेस्रो लिङ्गी मोडल हुन् ।
पाकिस्तानमा तेस्रो लिङ्गीहरु हेपिँदै आएका छन् । पछिल्लो जनगणनाअनुसार पाकिस्तानमा तेस्रोलिंगीको संख्या १० हजार ४१८ रहेको छ ।
उनीहरुलाई पैसाका लागि बेश्यावृत्तिमा धकेल्ने गरिन्छ ।
