-
-
-
-
रुकुम। रुकुम पूर्वबाट काठमाडौं सिधा बस सेवा आजबाट सञ्चालनमा आएको छ । रुकुम पूर्व नयाँ जिल्ला भएपछि पहिलो पटक जिल्लाको भुमे गाउँपालिका २ खाबाङबाट–कास्की पोखरा हुँदै काठमाडौं सम्म डिलक्स बस सेवा सञ्चालनमा आएको हो ।
यो जिल्लाका स्थानीयलाई काठमाडौं जानको लागि गाडी चढ्न रुकुम पश्चिमको सदरमुकाम खलंगा आउनुपर्ने समस्या थियो । स्थानीयको समस्यलाई ध्यानमा राखेर जिल्लामा रहेको सिस्ने हिमाल बस तथा मिनीबस यातायात व्यवसायी समिति र बागलुङमा रहेको बुर्तिबाङ्ग यातायात समितिको सहकार्यमा बस सेवा सञ्चालनमा ल्याएको हो ।
यस अघि यहाँबाट काठमाडौंमा सिधा यातायात सेवा सञ्चालन नहुँदा यात्रु पश्चिम रुकुम आउनुपर्ने समस्यालाई समधान गर्नको लागि बस सेवा सञ्चालनमा ल्याएको समितिका अध्यक्ष जितेन्द्र बुढाथोकीले बताउनुभयो ।
आइतबारबाट काठमाडौंका लागि प्रत्येक दिन रात्रि बस सेवा सञ्चालन हुने अध्यक्ष बुढाथोकीले बताउनुभयो । मध्यपहाडी लोकमार्ग भएर यहाँबाट बस सेवा सञ्चालन हुनेछन् ।
