पाल्पा । मुलुकभरको मौसम एक्कासी बिग्रिएको छ । शुक्रवार बिहानैदेखि पूर्वी र मध्यपहाडी क्षेत्रमा फाटफुट वर्षा भए पनि पाल्पा र आसपासका जिल्लाहरुमा दिउसो २ बजे देखि हावा, पानी आई दिउसै अध्यारो भएको छ । अध्यारो हुँदा सवारी साधन र यात्रुहरुले लाईट बालेर यात्रा गरिरहेका छन् ।
मुलुकभर मौसमको असर देखिएको मौसम विद्हरुले जनाएका छन् । शुक्रबार यो क्रम दिनभरि नै रहने मौसम पूर्वानुमान महाशाखाकी मौसमविद गंगा नगरकोटीले जानकारी दिइन् । बंगालको खाडीबाट आएको पश्चिमी बायुको असरले मुलुकभर मौसम परिवर्तन भएको उनले बताइन् । यो असर दुई दिनसम्म देखिने छ । बादलले ढाकेको हुनाले काठमाडौं उपत्यकामा बिहान अँध्यारो छाएको छ ।
