-
-
-
-
काठमाडौं । उत्तर कोरियाली नेता किम जोन उन खासै हँसिला र मनोरञ्जन गर्ने जस्ता देखिँदैनन् । तर पछिल्लो समय भने खुल्दै गएका छन् ।
किम र उनकी पत्नी दक्षिण कोरियाली सांगीतिक समूहको प्रस्तुतिमा सहभागी भएका छन् । प्योङयाङमा आयोजित दुर्लभ भनिएको यो प्रस्तुतीलाई दुबै देशबीचको सम्बन्ध सुधारको संकेतका रुमा लिइएको छ ।
यसअघि शीतकालीन ओलम्पिकमा उत्तर कोरियाली समूहले दक्षिण कोरियामा प्रदर्शन गरेका थिए । नेता किम दक्षिण कोरियाली सांगीतिक समूहको प्रस्तुति अवलोकन गर्ने पहिलो उत्तर कोरियाली नेता हुन् ।
यसअघि नेता किमले आफ्नो पहिलो विदेश भ्रमणका रुपमा चिनियाँ राष्ट्रपति सी जिनपिङलाई बेइजीङमा भेटेका थिए ।
