-
-
-
-
काठमाडौं । भारतको मध्यप्रदेशको सीधी जिल्लामा सोन नदीको जोगदहा पुलमा एक मिनी ट्रक दुर्घटना हुँदा २५ जनाको मृत्यु भएको छ । दुर्घटनामा २५ जना घाइते भएका छन् ।
जन्तीले भरिएको उक्त ट्रकले नियन्त्रण गुमाएर एक सय फिट तल खसेको थियो । पुलिसका अनुसार घाइतेहरुमध्येको अधिकांशको अवस्था गम्भीर छ ।
मृतकको संख्या बढ्न सक्ने घाइतेहरुको अवस्थाले बताउने प्रहरीले जनाएको छ ।
मध्यप्रदेशका मुख्यमन्त्री शिवराज सिंह चौहनाले मृतकका परिवारलाई २–२ लाख तथा घाइतेहरुलाई ५०–५० हजार आर्थिक सहायता गर्ने बताएका छन् ।
दुर्घटना मंगलबार राति स्थानीय समय अनुसार ९ः३० बजे भएको हो ।
अमिलिया थाना प्रभारी दीपक बघेलका अनुसार उक्त जन्ती लिएको ट्रक हर्राबिजी गाउँबाट पमरिया गाउँ जाँदै थियो ।
शवलाई ट्रक काटेर निकालिएको थियो ।
