नारायणगढ—मुग्लिनमा बस र ट्रक ठक्कर खाँदा एकको मृत्यु, १९ घाइते, सवारी एकतर्फी

नारायणगढ—मुग्लिनमा बस र ट्रक ठक्कर खाँदा एकको मृत्यु, १९ घाइते, सवारी एकतर्फी

प्रकाशित २०७५ वैशाख ११ मंगलबार

चितवन । नारायणगढ—मुग्लिन सडकखण्डअन्तर्गत स्याउली बजारमा बिहान ६ बजे बस र ट्रक एकापसमा ठक्कर खाँदा एकजनाको मृत्यु भएको छ भने १९ जना घाइते भएका छन् ।

मृत्यु हुनेमा बसका सहचालक मकवानपुर धियाल–९ बस्ने वर्ष ४४ का चन्द्रबहादुर तिमल्सिना रहेको जिल्ला प्रहरी कार्यालय चितवनले जनाएको छ ।

इटहरीबाट काठमाडौँतर्फ जाँदै गरेको ना ६ ख १५२१ नम्बरको बस र काठमाडौँबाट नारायणगढतर्फ आउँदै गरेको ना ५ ख ७५२८ को ट्रक इच्छाकामना गाउँपालिका–५ स्याउली बजारमा एकापसमा ठक्कर खाँदा सहचालक तिमल्सिनाको मृत्यु भएको हो भने १९ जना घाइते भएको प्रहरीले जनाएको छ ।