काठमाडौं। प्रधानमन्त्री केपी ओलीले भूकम्प गएको तीन बर्षको स्मृती कार्यक्रममा आफु पुन निर्माणकालागि कोदालो खन्न, खर्पन बोक्न, ईट्टा बोक्न तयार रहेको बताएका छन्।
धरहरामा भएको एक कार्यक्रममा प्रम ओलीले भने -'भू–कम्पले ढलेको हाम्रो शानलाई स्वाभिमानसाथ उठाउनु छ । त्यसका लागि म कोदालो खन्न तयार छु, खर्पन र डोकोमा इँटा बोक्न तयार छु । हामी जहाँ छौं, त्यहिँबाट नव–निर्माणमा जुटौं ।'
सवै लाग्ने हो भने धरहरा निर्माण गर्न धेरै समय नलाग्ने बताए । प्रधानमन्त्री ओलीले भूकम्पलगत्तै उद्धार र राहतमा गरेको सहयोगप्रति छिमेकी मित्रराष्ट्रहरुलाई धन्यवाद दिए । साथै छिमेकी र अन्तराष्ट्रिय समुदायलाई गरेको प्रतिवद्धता अघि बढाउन र प्रतिवद्धता बढाउन पनि आग्रह गरेका छन् ।
‘तत्काल पनि सहयोग पुर्याउनुभयो । राहत उपलब्ध गराउनुभयो । म सबैलाई धन्यवाद भन्न चाहान्छु । प्रतिवद्धतामा कमी नहोस् । पुनःनिर्माणका लागि बढी आवश्यक पर्नेभयो, प्रतिबद्धता अझ बढाउनुहोस’ प्रमले भने।
तीन बर्ष अघि गोरखा केन्द्र बिनद्ु पारेर आएको भूकम्पको सम्झनामा देशभर कार्यक्रम हुँदैछ।
