-
-
-
-
काठमाडौं। तीन वर्षअघिको गोर्खा भुकम्पका मृतकहरुको स्मृतिमा पाटन दरबार क्षेत्रमा दीप प्रज्वलन सहित श्रद्धान्जलीसभा गरिएको छ। पाटन दरबार क्षेत्रको भूकम्पस्तम्भ अगाडी गरिएको श्रद्धान्जली सभामा मृतकहरुको आत्मा शान्तिका लागि ६ वटा धर्मका गुरुहरुले प्रार्थना गरेका थिए।
ललितपुर महानगरपालिका, ज्यापु समाज यल र शिन्योन–एन जापानले संयुक्त रुपमा आयोजना गरेको श्रद्धान्तजली सभामा हिन्दू, तिब्बती बौद्ध, नेवार बौद्ध, इसाइ, मुस्लिम र जापानका शिन्योन एन बौद्ध धर्मगुरुहरुले मातृ भाषामा मृतकको आत्मा शान्तिका लागि प्रार्थना गरेका थिए। २०७२ वैशाख १२ र त्यसपछिको भूकम्पमा करीब ९ हजार जनाको मृत्यु भएको थियो। ललितपुर दरबार क्षेत्रका अधिकांश सम्पदाको पुननिर्माण अन्तिम चरणमा पुगेको छ।
