-
-
-
-
काठमाडौं । फ्रान्समा विश्व मजदुर दिवसका दिन निकालिएको र्यालीमा हस्तक्षेप भएपछि प्रहरीले दुई सय मजदुरलाई पक्राउ गरेको छ ।
राष्ट्रपति इमानुयल म्याक्रोनको श्रमिक सुधारको योजना बिरुद्ध आयोजना गरिएको शान्ति र्यालीमा उग्र वामपन्थी समूहले हस्तक्षेप गरेपछि झडपसमेत भएको थियो ।
सो समूहका कार्यकर्ताले शान्तिपूर्ण र्यालीमा प्रवेश गरी जथाभावी तोडफोड र आगजनी गरेपछि उनीहरुलाई पक्राउ गरिएको अधिकारीहरुले जनाएका छन् ।
उनीहरुले पेरिस शहरका धेरै पसलमा आगजनी, तोडफोड र सवारी साधनमा क्षति पुर्याएका छन् ।
हिंसात्मक घटना नियन्त्रणमा लिन प्रहरीले दर्जनौं सेल अश्रुग्यास प्रहार र पानीका फोहोरा प्रयोग गरेको थियो ।
घटनामा एक प्रहरी अधिकृतसहित चार जना सामान्य घाइते भएका छन् ।
