भारतमा हावाहुरीका कारण ७७ जनाको मृत्यु

प्रकाशित २०७५ वैशाख २० बिहिबार

नयाँ दिल्ली। उत्तरी भारतीय राज्यमा गएराति धुलोसहितको हावाहुरीमा परी कम्तीमा पनि ७७ जनाको ज्यान गएको समाचार छ। त्यसैगरी सो हावाहुरीबाट ठूलो संख्यामा रुख ढलेका छन् भने घर तथा कार्यालयका पर्खालहरु पनि भत्किएका छन्। उत्तर प्रदेश र राजस्थान राज्यमा यस्तो आँधी आएको हो।

त्यसमा परी १४३ जना घाइते भएका छन्। घाइतेहरु तथा मृत्यु हुनेको संख्या अझै धेरै रहेको अनुमान गरिएको छ। यस हावाहुरीबाट भएको क्षतिको सम्पूर्ण विवरण भने आइसकेको छैन।

प्राप्त समाचारमा उत्तर प्रदेशमा ४६ र राजस्थानमा ३१ जनाको ज्यान गएको बताइएको छ। अधिकारीहरुले केही व्यक्ति हराइरहेका पनि बताएका छन्।