कलवाइपास गर्ने शुक्ला र मगरातीलाई 'सिआइबी' ले समात्यो
प्रकाशित २०७५ वैशाख २५ मंगलबार
547
Shares
काडमाडौं । केन्द्रीय अनुसन्धान ब्यूरो 'सिआइबी' ले अवैध कलवाइपास गर्ने दुई जनालाई सार्वजनिक गरेको छ । सिआइबीले भारत ,मध्ये प्रदेशका २४ बर्षीय विवेक शुक्ला र सिन्धुली सुनकोशी गाउँपालिका वडा नं ६ का २५ बर्षीय लाल बहादुर मगरातीलाई पक्राउ गरि सार्वजनिक गरेको हो ।
शुक्ला र मगरातीलाई काठमाडौं महानगरपालिका वडा नं ९ स्थित गेज होटलको कोठा नं ३०४ र काठमाडौ जिल्लाको कागेश्वरी मनहरा वडा नं ७ शान्तीदीप टोल स्थित भोलाराज गौतमको घरमा अवैध भिओआइपी संचालन गर्न प्रयोग हुने उपकरणहरु सहित केन्द्रीय अनुसन्धान ब्यूरोको टोलिले पक्राउ गरेको हो । दुवैलाई सिआइबीले काठमाडौं जिल्ला अदालतबाट ५ दिन को म्याद थप गरी दूरसंचार ऐन, २०५३ अन्तर्गत अनुसन्धान गरिरहेको छ ।
सिआइबीले उनिहरुबाट ३२ पोर्टको भिओआइपी गेटवे एक थान, कालो डिनस्टार लेखिएको १६ पोर्टको भिओआइपी गेटवे एक थान, निलो १६ पोर्टको भिओआइपी गेटवे एक थान, ऐ को चार्जर एक थान, पिलोन कनेक्टर एक थान, टिपिलिङ को राउटर दुई थान , टिपिलिङ को सानो राउटर एक थान, एयरटेल फोरजी इन्टरनेट मोडेम एक थान, भिआइभिओ मोवाइलसेट चार थान उपकरण बरामद गरेको छ ।
लाल बमगरातीलाई यस अघि प्रहरीले ललितपुर उपमहानगरपालिकाबाट भिओआइपी संचालनमा प्रयोग हुने विभित्र उपकरणहरु सहित पक्राउ गरि १८ महिना जेल चलान गरेको थियो । भने भारतीय नागरिक विवेक शुक्लाले बर्दिया को गुलेरीयामा केही महिना अबैध भिओआइपी संचालन गरी काठमाडौंलाई कार्यक्षेत्र बनाउदै आएका थिए ।
