- सुन चाँदी दर
- विनिमय दर
- नेपाली पात्रो
- राशिफल
काठमाडौं । अपांगता भएका व्यक्तिहरुको मानवअधिकार सम्बन्धी राष्ट्रिय सम्मेलन काठमाडौंमा सुरु भएको छ । दुई दिने सम्मेलनमा देशभरबाट प्रतिनिधिहरु आएका छन् ।
त्रिपुरेश्वरमा भइरहेको सम्मेलनको उद्घाटनमा राष्ट्रिय मानव अधिकार आयोगका अध्यक्ष अनुपराज शर्मा, राष्ट्रिय सभा सदस्य प्रकाश पन्थ, राष्ट्रिय अपांग महासंघका अध्यक्ष सुदर्शन सुवेदी लगायतले अपांगता भएकाहरुका मानव अधिकार र हकहितका बारेमा आफ्नो धारणा राखे ।
कार्यक्रममा अपांगता भएका व्यक्तिहरुको मानवअधिकार कार्यान्वयनका चुनौतीलगायतका विषयमा छुट्टाछुट्टै कार्यपत्र पेश भई छलफल हुनेछ ।
साथै, संयुक्त राष्ट्रसंघीय अपांगतासम्बन्धी समितिमा नेपाल प्रतिवेदन र प्राप्त सुझावका विषयमा पनि छलफल भई काठमाडौँ घोषणापत्र जारी हुनेछ ।
कार्यक्रममा पहिलो सत्रमा प्रादेशिक प्रस्तुति हुनेछ । जसमा अपांगता भएका व्यक्तिहरुको अधिकारको वर्तमान अवस्था, चुनौती र सुझावबारे छलफल हुनेछ ।
विभिन्न सात सत्रमा विभिन्न व्यक्तिले धारणा राखी त्यसबारे वृहत छलफल हुनेछ ।
सम्मेलनको राष्ट्रिय मानव अधिकार आयोग र राष्ट्रिय अपांग महासंघको संयुक्त आयोजनामा भइरहेको हो ।