काठमाडौं । उत्तर कोरिया र दक्षिण कोरियाबीचको वार्ता रद्द भएको छ । उत्तर कोरियाले चरम असन्तुष्टि जनाउँदै उच्चस्तरीय वार्ता रद्द गरेको हो ।
उत्तर कोरियाली नेता किम जोन उनले अमेरिका र दक्षिण कोरियाबीच संयुक्त सैन्य अभ्यास जारी रहेको भन्दै त्यसप्रति असन्तुष्टी जनाउँदै वार्ता रद्द गरेका हुन् ।
उत्तर कोरियाली सरकारी समाचार संस्था केसीएनएका अनुसार दक्षिण कोरिया र अमेरिकाले उत्तेजना फैलाउने र आक्रमणका लागि दक्षिण कोरिया र अमेरिकाले तयारी गरिरहेको उत्तरको दाबी छ ।
योसंगै बुधबारै उच्चस्तरीय वार्ता गरी विगतमा दक्षिण र उत्तर कोरियाका दुई नेताबीच भएको ऐतिहासिक वार्ताका क्रममा भएका सहमतिलाई कार्यान्वयन गर्ने योजना अलमलमा परेको छ ।
उत्तर कोरियाको यो निर्णयले आगामी जुन १२ मा अमेरिकासँग हुने भनिएको वार्ता पनि अन्यौलमा परेको छ ।
उत्तर कोरियाको यो निर्णयप्रति दक्षिण कोरियाको कुनै प्रतिक्रिया आएको छैन ।
अमेरिकाले भने विश्व शान्तिका लागि प्रयास जारी रहेको जनाएको छ ।
