-
-
-
-
काठमाडौँ । सम्पर्कविहीन भएको साढे दुई घण्टापछि मकालु एयरलाइन्सको कार्गो जहाज भेटिएको छ । ९ एन एजेयु कलसाइन भएको उक्त जहाज बाजुरामा भेटिएको हो ।
बुधबार बिहान सुर्खेतबाट हुम्ला सदरमुकाम सिमकोटका लागि बुधबार बिहान ६ः१२ बजे उडेको उक्त जहाज ६ः५५ बजे सिमकोट अवतरण गर्नुपर्ने थियो।
जहाज कर्णाली नदीको किनारमा फोर्स ल्यान्डिङ गरिएको हो । जहाजमा खराबी आएपछि कर्णाली नदीको बगरमा आपतकालीन अवतरण गरिएको बताइएको छ ।
जहाजमा रहेका चालक दलका दुवै सदस्य सकुशल रहेका छन्। जहाजमा आएको खरावीबारे केही बताइएको छैन ।
चालकदलमा पाइलट किरण भट्टराई र को–पाइलट आदित्य नेपाली रहेका थिए।
