- सुन चाँदी दर
- विनिमय दर
- नेपाली पात्रो
- राशिफल
दाङ् । दाङ्मा फैलिएको झाडापखाला प्रदुषित खानेपानीका कारण फैलिएको प्रारम्भिक अनुसन्धानले देखाएको छ । दाङको शान्तिनगर गाउँपालिकाको वडा नम्बर ३ र ४ मा वितरित खानेपानी प्रदुषित भएकाले झाडापखाला फैलिएको स्पष्ट भएको छ ।
जनस्वास्थ्य प्राविधिक टोलीले सिमलगौराको मुहानमा ल्याब परिक्षण गर्दा दुषित पानी भेटिएको हो । त्यहाका खानेपानीको मुहानलाई खानेपानी उपभोक्ता समितिले शुद्धिकरण नगरी वितरण गरिएको र पछिल्लो समयमा आकाशेपानीको भल मिसिएको पानी पिउँदा धेरै जना एकै पटक बिरामी भएको स्वास्थ्यको टोलीले जनाएको छ ।
पानी फोहोर भएकाले यो मुहानको पानीले नै दाङको शान्तिनगर गाउँपालिकाको वडा नम्बर ३ र ४ मा झाडापखाला फैलिएको ल्याव टेक्निशियन पर्शूराम पोखरेलले जानकारी दिए । पहिलेको माइली पानी मुहानमा पानी सुक्दै गएपछि पछिल्लो समयमा सिमलगौराबाट ल्याएको पानी वितरण गर्न थालिएको हो ।
यो मुहानको पानीलाई शुद्धिकरण नगरी उपभोक्ता समितिले वितरण गरिएकोमा ४ सय जति बिरामी भएकोमा स्थानीयले आक्रोश पोखेका छन् । समितिको गैर जिम्मेवारीका कारण धेरै जनामा झाडापखाला देखिएको हो ।
अहिले कस्तो खालको व्याक्टेरियाले असर पुरयाएको भन्ने स्पष्ट नभएकाले यसको थप कल्चर परिक्षणका लागि केही नमुनाहरु काठमाडौँमा ल्याइएको छ ।
झाडापखालाको अवस्था बुझ्नका लागि केन्द्रबाट पनि टोली थप जानकारीका लागि शान्तिनगर गाउँपालिका गएको छ । बिरामीहरुमा झाडापखाला लाग्ने, पेट दुख्ने ,बान्ता हुने र टाउको दुख्ने जस्ता लक्षण देखा परेका छन् ।
अहिले मुहान नै प्रदुषित भएकाले पानी शुद्धिकरण गरि पिउन गाउघरमा माइकि¨ गरिएको छ ।
माइली पानी उपभोक्ता समितिले ८ सय ५१ घरधुरीमा खानेपानी बितरण गर्दै आएको छ । यो समितिले पछिल्लो समयमा पुरानो मुहानमा पानी पर्याप्त नभएपछि नया मुहानबाट पानी बितरण गर्न थालेको हो ।
दुषित पानी शुद्धिकरण गर्ने फिल्टर मेशिन केही नहुदा त्यो पानी सिधै उपभोक्ताको घरघरमा वितरण हुदै आएको समितिका अध्यक्ष माधब बस्यालले स्विकारेका छन् ।