काठमाडौं। पुर्ब माओवादी केन्द्र र एमालेबीचको एकतामा असन्तुष्ट हुँदै अस्विकार गर्ने क्रम बढ्दो देखिएको छ। सोही क्रममा आज पुर्ब माओवादी केन्द्रका दर्जनौं नेता कार्यकर्ताहरुले माके एमाले एकतामा नजाने घोषणा गर्दै बिमल अधिकारीको नेतृत्वमा ५१ सदस्यीय नेकपा (माओवादी) को घोषणा गर्दै रिपोर्टस क्लब नेपालमा पत्रकार सम्मेलन गरेका छन्।

सो पत्रकार सम्मेलनमा पुर्नगठित नेकपा (माओवादी केन्द्र) का प्रदेश न. ५ का इन्चार्ज आलोक रायमाझीलाई पनि बधाई तथा शुभकामना दिन बोलाइएको थियो, उनले एकतालाई अस्विकार गर्ने नेता कार्यकर्ताहरुलाई बधाई तथा स्वागत गर्दै आफ्नो धारणा राख्दै बर्तमान सरकारमाथि दर्जनौं आरोप र चर्को आलोचना गरे।

उनले भने कलियुगको महाभारत अब सुरु भैसक्यो, यो महाभारतको युद्धमा पुर्ब कमरेड प्रचण्डले कृष्णलाई नरोजेर, फौजलाई मात्रै रोजे, हामीले फौज नरोजेर केबल कृष्णलाई रोज्यौ, कृष्ण भनेको बिचार, सिद्धान्त र समयको अपरिहार्यता हो, त्यसैले हाम्रो जित निश्चित छ।

उनले अगाडि थपे, हार निश्चित छ भन्ने जान्दाजान्दै पनि मन नलागी नलागी युद्धमा होमिने कर्ण जस्तो नबन्नुस आधुनिक युगको कर्ण बन्न म कथित माके पिकेका इमानदार नेताकार्यकर्ताहरुलाई आह्वान गर्न चाहान्छु। प्रचण्ड, केपी लाई इङित गर्दै उनले भने ञतिमी कौरबहरु संग अहिले षड्यन्त्र र आपराधिक मानसिकताले भरिएको जत्था र फौज दुबै ठुलो छ, हामी पाण्डबहरु संग बिचार, सिद्धान्त, निष्ठा र जनता प्रतिको लगाव छ, त्यसैले पनि जित हाम्रो पक्का छ।

सरकार प्रति कटाक्ष गर्दै उनले भने ञदलाल पुजीवादी, नोकरशाही र नवऔपनिवेशिक सरकारका धृष्टरास्ट्र, शकुनि, दुर्योधन र दुस्सासनहरु अब तिम्रो पापको घडा भरिइसक्यो, तिमीहरूका दिनपनि सकिइसके अब तिम्रा अपराध र पापको एकएक हिसाब हुन्छ, हे नवबादशाहहरु तिम्रा महलका कुर्सीबाट पछारेर जनताले तिमीहरूलाई सडकमा फुटबल खेल्ने दिन धेरै टाढा छैन। 

उनले पुर्ब (माओवादी केन्द्र) का नेताहरूलाई गम्भीर आरोप लगाए ञप्रचण्ड कम्पनीका पुर्ब माओवादीमा सत्ताको स्वाद चाखेखा अधिकांश नेताहरु अर्बपति बनिसके, अहिले त्यो कालो धनलाइ कसरी सेतो बनाउने भनेर छट्पटाहटमा दर्जनौं व्यावसायको नौटंकि गरिरहेका छ्न, तर हामी तिमीहरूलाई जनताको बीचमा नाङ्गो बनाएरै छाड्छौ। सो पार्टी पार्टी घोषणा कार्यक्रमबाट बिमल अधिकारी लाई संंयोजक बनाउदै ५१ सदस्यीय समिति बनाइएको छ।