arrow

कांग्रेसले समीक्षा गरेर नयाँ बाटो तय गर्नुपर्छ : सिटौला

logo
प्रकाशित २०७५ जेठ १९ शनिबार
krishna-sitoula.jpg.jpeg

रत्ननगर, चितवन । नेपाली कांग्रेसका नेता कृष्णप्रसाद सिटौलाले अब कांग्रेसले समीक्षा गरेर नयाँ बाटो तय गर्नुपर्ने बताएका छन् ।

नेपाली कांग्रेस चितवनको आयोजनामा शुक्रवार चितवनको भरतपुरस्थित पार्टी कार्यालयमा भएको कार्यकर्ता भेटघाट कार्यक्रममा उनले पार्टी नयाँ कार्ययोजनाका साथ एकाकार हुनु जरुरी रहेको औल्याए ।

अब सबैको सुझाव लिने बेला आएको भन्दै सिटौलाले जनताको विश्वास लिनसके मात्रै पार्टी बलियो हुने जिकिर गे । देशको स्वाभिमान रक्षाका लागि कांग्रेस लड्दै आएको स्मरण गर्दै सिटौलाले भने, ‘जनताको विश्वास नै हाम्रो तागत हो ।”

ठूला परिवर्तनहरू कांग्रेसको नेतृत्वमै भएको जिकिर गर्दै उनले कांग्रेस कसैसँग डराउनुपर्ने अवस्था नरहेको उल्लेख गरे।



लोकप्रिय समाचार
लोकप्रिय समाचार
नयाँ