- सुन चाँदी दर
- विनिमय दर
- नेपाली पात्रो
- राशिफल
सिन्धुली । प्रधानमन्त्री कोषमा बिना शिर्षक व्यापक रकम छुट्याएर सरकारले नीतिगत रुपमा भ्रष्टाचार गर्न खोजेको सिन्धुली काँग्रेस सभापति उज्वल बरालले बताएका छन् ।
नवजागरण युवा क्लबको आयोजनामा शुक्रबार गोलन्जोरले गाउपालिकामा भएको जनतासग जनप्रतिनिधि विषयक कार्यक्रममा सभापति बरालले प्रधानमन्त्री कोषमा विना शिर्षक कुल बजेटको २ प्रतिशत भन्दा बढी रकम छुट्याएर नीतिगत भ्रष्टाचार गर्न खोजेको जनाउदै उनले अहिलेको सरकारले कृषिमा भन्दा रक्षामा बढी बजेट बिनियोजन गरेको बताए।
स्थानिय बजेट केन्द्रीकृत गरेर संघियता विपरीत तथा विधि र विधान बमोजिम शासन चलाइएको पनि उनले बताए।
कार्यक्रममा गोलन्जोर गाउपालिकाका अध्यक्ष पुष्प कार्कीले विकास र सदाचार कार्यक्रममा जोड दिदै सीपमुलक , आयआर्जन तथा स्वरोजगारको क्षेत्रमा काम गर्ने बताए।
स्थानीय सरकारले सबै सरोकारवालाहरुसॅग सहकार्य एवम् समन्वय गरेर कार्यक्रम गर्नु पर्ने र शैक्षिक क्षेत्रको समस्या समाधानको जिम्मेवार शिक्षकलाई बनाउनु पर्ने शिक्षक संघ सिन्धुलिका जिल्ला उपाध्यक्ष सुमन कोईरालाले बताए।
नवजनगरण युवा क्लब गोलन्जरका अध्यक्ष सुजन बरालको अध्यक्षतामा भएको कार्यक्रममा स्थानिय जनप्रतिनिधि , स्थानिय नागरिक, शिक्षक लगाएतको सहभागिता रहेको थियो।
कार्यक्रममा शिक्षक युनियनका सिन्धुलीका पुर्व अध्यक्ष लेख बहादुर बस्नेतले शिक्षक र जनप्रतिनिधि एकअर्काको परिपुरक रहदै समन्वय गरि शैक्षिक क्षेत्रमा सुधार ल्याउनु पर्ने बताए ।
यसैगरि काङ्ग्रेस नेता प्रेमचन्द्र दाहाल शरद आचार्य लगाएतले आफ्नो भनाई रारवेका थिए ।