स्पेन विश्वकप उपाधिका लागि तयार, अन्तिम वार्मअपमा पनि विजयी
प्रकाशित २०७५ जेठ २७ आइतबार
151
Shares
काठमाडौं । रुस विश्वकप सुरु हुन अब ४ दिनमात्र बाँकी छ । विश्वकपअघिको अन्तिम अन्तर्राष्ट्रिय मैत्रिपूर्ण एवं वार्मअप खेलमा जित हासिल गर्दै स्पेनले आफू उपाधिका लागि तयार भएको संकेत गरेको छ ।
स्पेनले ट्युनिसियालाई १–० ले हरायो । खेलको अन्त्यतिर (८५ औं मिनेटमा) इयागो अस्पासले गोल गर्दै स्पेनलाई जिताए ।
स्पेन पनि एक सन्तुलित टिम हो । जसले विश्वकप पुनः जित्न सक्ने अड्कल गरिएको छ ।
स्पेन विश्वकपको समुह बी मा रहेको छ । स्पेनसंगै पोर्चुगल, मोरक्को र इरान रहेका छन् ।
ट्युनिसिया कठिन जी समुहमा परेकाले पनि दोस्रो चरण प्रवेशको सम्भावना निकै कठिन बनेको छ ।
ट्युनिसियाको समुहमा बेल्जियम, इंगल्याण्ड र पानामा पनि रहेका छन् ।
फ्रान्सले विश्वकप खेल्न नपाएको अमेरिकासंग १–१ को बराबरी खेलेको हो ।
खेलको ४४ औं मिनेटमा जुलिएन ग्रिनले गोल गर्दै अमेरिकालाई अग्रता दिलाए ।
७८ आंै मिनेटमा काइलिएन एमबाप्पेले गोल गर्दै फ्रान्सलाई बराबरीमा ल्याए ।
फ्रान्सले खेलमा पकड जमाएर पनि जित हासिल गर्न सकेन । युवा अमेरिकी खेलाडीले राम्रो खेले ।
फ्रान्स पनि यसपटक युवा खेलाडीहरु केन्द्रीत छ । तालमेल पनि राम्रो भइरहेको छ । पूर्व विश्वकप विजेता फ्रासलाई यसपटक उपाधिको दावेदारका रुपमा हेरिएको छ ।
विश्वकप फुटबलको समुह सी मा रहेको फ्रान्ससंग अष्ट्रेलिया, पेरु र डेनमार्क रहेका छन् ।
