-
-
-
-
काठमाडौं । रुस विश्वकप सुरु हुन अब ४ दिनमात्र बाँकी छ । विश्वकपअघिको अन्तिम अन्तर्राष्ट्रिय मैत्रिपूर्ण एवं वार्मअप खेलमा जित हासिल गर्दै डेनमार्कले आफू अर्को चरण प्रवेशका लागि सक्षम रहेको प्रमाण दिइरहेको छ ।
तर मेक्सिको भने त्यत्ति तयार नभएको देखिएको छ । अन्तिम प्लेअफ खेलमा मेक्सिको डेनमार्कसंग २–० ले पराजित भयो ।
डेनमार्कलाई जित दिलाउने क्रममा युसुफ पल्सेन र क्रिष्टियन एरिक्सेनले १–१ गोल गरे ।
डेनमार्क विश्वकपको समुह सी मा रहेको छ । यो समुहमा फ्रान्स, अष्ट्रेलिया र पेरु पनि रहेका छन् ।
त्यस्तै मेक्सिको समुह एफमा रहेको छ । यो समुहमा डिफेन्डिङ च्याम्पियन जर्मनीसंगै स्वीडेन र दक्षिण कोरिया रहेका छन् ।
