बेल्जियम विश्वकपका लागि तयार, लुकाकुले गरे दुई गोल
प्रकाशित २०७५ जेठ २९ मंगलबार
927
Shares
काठमाडौं । बेल्जियम रुस विश्वकपका लागि तयार भएको छ । बेल्जियमले अन्तिम वार्मअप खेलमा कोस्टारिकामाथि ४–१ को जित निकालेको छ ।
बेल्जियमका लागि म्यान्चेस्टर युनाइटेडका खेलाडी रोमेलु लुकाकुले २ गोल गरे । सोमबार रातिको खेलमा नापोलीका विंगर ड्राइस मेर्टेन्स र मिचि बात्सुईले १–१ गोल गरे ।
कोस्टारिकाका लागि ब्रायन रुइजले खेलमा अग्रता लिएका थिए । तर त्यसपछि कोस्टारिकाले लगातार गोल खायो ।
यही बिहिबारदेखि सुरु हुने विश्वकपमा बेल्जियम समुह जी मा रहेको छ । यो समुहमा इंगल्याण्ड, ट्युनिसिया र पानामा रहेका छन् ।
त्यस्तै कोस्टारिका समुह इ मा छ । यो समुहमा ब्राजिल, स्वीट्जरल्याण्ड र सर्विया रहेका छन् ।
विश्वकपको वार्मअप खेलमा सेनेगलले दक्षिण कोरियालाई २–० ले हरायो । सेनेगल पोल्याण्ड, कोलम्बिया र जापान रहेको समुह एच मा रहेको छ ।
दक्षिण कोरिया भने जर्मनी, मेक्सिको र स्वीडेन रहेको समुह इ मा रहेको छ ।
