सुटबुटसहित विश्वकपका लागि रुस पुग्यो इंगल्याण्डको टोली
प्रकाशित २०७५ जेठ ३० बुधबार
853
Shares
काठमाडौं । विश्वकप फुटबलका लागि इंगल्याण्डको टोली सुटबुटसहित मंगलबार रुस पुगेको छ । इंगल्याण्डको टोली मंगलबार रुसको सेन्ट पिटर्सवर्गमा उत्रिएको हो ।
इंगल्याण्डले आउँदो सोमबार ट्युनिसियासँग आफ्नो पहिलो खेल खेल्दैछ । इंगल्याण्डको टोलीको सुरक्षालाई लिएर प्रत्येक फुटबलमा चासो हुने गरेको छ । समर्थकहरु तथा अन्य कारणहरुले गर्दा इंगल्याण्डको टोलीलाई सुरक्षा व्यवस्था निकै कडा गर्नुपर्ने हुन्छ ।
यसअघि पनि रुस विश्वकपमा इंगल्याण्डका खेलाडीहरुलाई सुरक्षाको विषयले चर्चा पाएको थियो । जसको कारण रुसले मंगलबार उल्लेख्य मात्रामा सुरक्षाकर्मी परिचालन गरेको थियो ।
इंगल्याण्डका प्रशिक्षकले आफ्ना खेलाडीहरुलाई अहिले तत्काल कुनै थप प्रशिक्षण दिनुभन्दा पनि यहाँको वातावरणको विषयमा जानकारी गराउनका लागि सहर घुमाउने योजना रहेको बताएका छन् ।
रुसको वातावरण बुझ्न पनि केही समय लागेको खण्डमा त्यसको असर खेलमा पर्नसक्ने भन्दै प्रशिक्षकले केही समय खेलाडीहरुलाई घुमाउने योजना बनाएका हुन् ।
इंगल्याण्डका कप्तान ह्यारी केनले आफूहरु रुस विश्वकपको विषयलाई लिएर निकै उत्साहित रहेको बताए । यो विश्वकपको समुह जीमा रहेको इंगल्याण्डको टोलीमा ट्युनिसिया, पानामा र बेल्जियम रहेका छन् ।
