-
-
-
-
काठमाडौं । विश्वकप फुटबलको पहिलो खेलमा आयोजक रुसले साउदी अरेबियालाई ५–० ले हराएको छ । लामो समयको जितको खडेरी रुसले पार गरेको छ भने साउदीका लागि यो हार तितो हो । हार अस्वभाविक नभए पनि फराकिलो हार अस्वभाविक हो ।
यो खेलबारे पूर्व राष्ट्रिय खेलाडी एवं राष्ट्रिय टिमका प्रशिक्षक राजुकाजी शाक्य के भन्छन् त ?
‘खेल खासै राम्रो हैन । रुसले पनि राम्रो खेलेन । गोल गर्नुमात्र ठूलो कुरा हैन । अताल्लिएर खेलिरहेको थियो रुस । पहिलो खेल र आयोजक भएकाले पनि होला बल नियन्त्रणमा थिएन । बढी बल साउदीले नियन्त्रणमा लिए पनि गोल गर्न नसक्नु अर्को दुर्भाग्य हो । साउदी त पुरै कमजोर देखियो । पहिलो खेल भएर नै खेल राम्रो हुन नसकेको हो कि । टिम सेट भएपछि दुवै टिम राम्रो खेल्लान् कि ।’
