काठमाडौं । रुस विश्वकप फुटबलमा सोमबार भएका तीन वटै खेलमा जितहारको परिणाम आएको छ । स्वीडेनले दक्षिण कोरियालाई हरायो । समुह एफ को खेलमा स्वीडेन १–० ले विजयी भयो ।
स्वीडेनले पेनाल्टीबाट गोल गरेको हो । खेलमा कोरिया अताल्लिएको थियो । रेफ्रीले पनि राम्रो ‘जजमेन्ट’ गर्न नसकेपछि दक्षिण कोरियाका खेलाडीहरु आत्तिएका थिए । त्यसको फाइदा स्वीडेनलाई भयो ।
कोरियाका दुई खेलाडीले ५५ मिनेटसम्म दुई पहेंलो कार्ड खाइसकेका थिए । ६५ औं मिनेटमा स्वीडेनले पेनाल्टी नै पायो र गोल गर्यो ।
कोरियाले गोलका लागि टार्गेटमा बल नै प्रहार गर्न सकेन । रेफ्रीले जुन फाउलमा स्वीडेनलाई पेनाल्टी उपहार दिए त्यो भन्दा खतरनाक फाउलमा स्वीडेनले सफाइ पायो ।
स्वीडेनले ४ प्रहार गोलका लागि गर्दा कोरियाले एउटा पनि प्रहार गर्न सकेन । स्वीडेनले ५२ र कोरियाले ४८ प्रतिशत बल नियन्त्रणमा लिएको थियो ।
बढी फाउल भएको खेलमा दुवैतर्फ ४५ फाउल भएका थिए । जसमा कोरियाको २३ र स्वीडेनको २१ रह्यो ।
कोरियाका २ खेलाडीले पहेंलो कार्ड पाउँदा स्वीडेनका १ खेलाडीले पहेंलो कार्ड पाए ।
समग्रमा यो खेल फिफाको ‘फेयर प्ले’ को विरुद्धमा थियो ।
