काठमाडौं । रुस विश्वकपमा अर्जेन्टिना सबैभन्दा बढी दबाबमा देखिएको छ । पहिलो खेलमा नवप्रवेशी आइसल्याण्डसंग १–१ को बराबरी खेलेपछि दबाबमा आएको अर्जेन्टिना बिहिबार राति क्रोएसियासंग खेल्दा त झनै बढी अताल्लियो । 

आइसल्याण्ड विरुद्ध विश्वकै चर्चित खेलाडी लियोनल मेस्सीले १० प्रहार खेर फालेका थिए त्यसमा पेनाल्टी पनि समावेश थियो । 

क्रोएसियाविरुद्ध अर्जेन्टिना सुरुआतमै अताल्लियो । पाँचै मिनेटमा कर्नर हानेको थियो क्रोएसियाले । चौथो मिनेटमै गोलका लागि राम्रो प्रहार गरेको थियो । 

अर्जेन्टिनाले १२ औं मिनेटमा डी बक्समा बल पुर्यायो । तर मेस्सीले बल छोएको मात्र भए पनि गोल हुने थियो । सकेनन् । मेस्सीको अनुहार मलिन हुँदै थियो ।

अर्जेन्टिनाका गोलकिपर त्यति सिल्ली होलान् भनेर कसले सोच्नु ? ५३ औैं मिनेटमा सट पास दिए प्रतिपक्षी खेलाडीलाई नै । गोल पोष्ट खाली । त्यो भन्दा ठूलो उपहार के हुन सक्छ ? एन्टे रेबिकले फर्काएमात्र गोल भयो । 

त्यसपछि पनि अर्जेन्टिनाले कुनै प्रयास गरेन । ८० औं मिनेटमा लुका मोड्रिक र इन्जुरी समयमा इभाँ रोकिटिकले गोल गरे । 

अर्जेन्टिनाले ३–० ले खेल हार्ने अनुमान त क्रोएसियाका कुनै पनि समर्थकले गरेका थिएनन् होला । अर्जेन्टिनाले गोलका लागि तीन वटामात्र प्रहार गर्यो । जबकि क्रोएुिसयाले आधादर्जन । 

५९ प्रतिशत बल नियन्त्रणमा लिएर पनि अर्जेन्टिनाले गोल गर्न सकेन । सन् १९८६ मा विश्वकप दिलाएका अर्जेन्टिनाका लिजेन्ड डिएगो म्याराडोना पनि निकै दुःखी देखिए । उनले पटक पटक टाउकोमा हात राखे । 

अर्जेन्टिना गोलका लागि भन्दा पनि फाउलका लागि चिनियो १५ फाउल खेल्यो । तीन वटा पहेंलो कार्ड खायो । क्रोएसियाले पनि फेयर प्ले खेल्न सकेन । क्रोएसियाले २२ फाउल खेल्दा ३ वटा पहेंलो कार्ड खायो । 

समूह डी बाट उपाधि दावेदारकै रुपमा रुस पुगेको अर्जेन्टिनाको यो हालत होला भनेर कसले सोच्नु । 

२ खेलबाट ६ अंकसहित क्रोएसिया राउन्ड अफ सिक्सटिनमा पुगेको छ । २ खेलबाट अर्जेन्टिनाको १ अंकमात्र छ । आइसल्याण्डको पनि १ खेलबाट १ अंक छ । नाइजेरियाको १ खेलबाट अंक छैन । 

कसरी पुग्न सक्छ अर्जेन्टिना राउन्ड अफ सिक्सटिनमा ?

अब भगवान भरोसे । अबको खेलमा शुक्रबार आइसल्याण्ड र नाइजेरियाले बराबरी खेल्दा राम्रो । अनि त्यसपछिको खेलमा क्रोएसियालाई आइसल्याण्डलाई हराउने अनि अर्जेन्टिनाले नाइजेरियालाई हराउने । 

यति धेरै फेभर भएमा मात्र अर्जेन्टिना राउन्ड अफ सिक्सटिनमा पुग्नेछ । होइन भने पहिलो चरणबाटै पूर्व विजेता घर फर्किनु पर्नेछ । 

कप्तान लियोनल मेस्सी जसरी मेस्सी भएर चिनिएका छन् सम्भवतः उनलाई अब थप चिनिन विश्वकपमा गोल गर्नुपर्ने देखिँदैन । तर दुर्भाग्य उनले अब कप्तानीबाट त राजीनामा दिने नै छन् नैतिकताका आधारमा अर्जेन्टिनी राष्ट्रिय टिममा बस्ने उनलाई अधिकार हुने छैन ।