काठमाडौं । मोहम्मद सलाहले इजिप्टको टोलीबाट सन्यास लिनसक्ने बताएका छन् । चेकका नेता रामजान काडिरोभसँग फोटो खिचेसँगै विवादमा तानिएका सलाहले यस्तो मनसाय बनाएका हुन् ।
विश्वकप सुरु हुनुभन्दा पहिला नै इजिप्टका महत्वपूर्ण खेलाडी सलाहको तस्बीर बाहिरिएको थियो । तस्बीर बाहिरिएसँगै सलाह विवादमा तानिएका थिए ।
मानव अधिकारको गम्भीर उलंघनको आरोप लागेका चेकका नेता काडिरोभले सलाहलाई आफ्नो मुलुकको नागरिकता दिलाउने पनि आश्वासन दिएका छन् । स्पोर्टसमेलले उल्लेख गरेअनुसार सलाह इजिप्टको राष्ट्रिय टोली छाड्ने संघारमा पुगेका हुन् ।
अहिले विश्वकपको क्रममा इजिप्टको रुसमा तयारी गरिरहेको छ ।
सोमबार साउदी अरेबियासँग समुहचरणको अन्तिम खेल खेलेर इजिप्ट आफ्नो घर फर्किनेछ । त्यस लगत्तै सलाहलाई चेकले आफ्नो नागरिकता दिने तयारी गरेको बताइएको छ । सामाजिक सञ्जालमार्फत् चेकका नेताले आफूलाई गरिएको स्वागतको विषयलाई लिएर सलाह निकै खुसी रहेको बताएका छन् । चेकका नेता काडिरोभले आफ्नो मुलुकमा इजिप्टलाई एक मैत्रीपूर्ण फुटबलको प्रस्ताव पनि गरेका छन् ।
काडिरोभले भर्खरै ल्याएको समलिङ्गी विवरणले भने उनी थप विवादमा तानिएका छन् । उनले आफ्नो मुलुकमा कुनै पनि समलिङ्गी नरहेको बताएका थिए ।
इजिप्टका फुटबल संघका प्रमुखले भने यो विवरण गलत रहेको बताएका छन् । यो समाचारबाट आफू्र चम्मित बनेको उनले बताएका छन् । उनले कुनै मानिस अर्कोको डिनरमा पुग्नु आफूहरुकोमा सामान्य रहेको र यसमा विवाद गर्नुपर्ने कुनै कारण नरहेको बताएका छन् ।
