काठमाडौं । विश्वकप फुटबलमा समूह सी को विजेता बनेको फ्रान्स त्यस्तो एकल टिम हो जसले समूह चरणमा मात्र ३ गोल ग-यो । तर समूह विजेता बन्यो ।
फ्रान्सले दुई खेल जित्यो । एक खेलमा बराबरी गर्यो । तर मात्र तीन गोल गर्यो र ७ अंकसहित समूहको शीर्ष स्थानमा रहेर राउन्ड अफ सिक्सटिनमा पुग्यो ।
फ्रान्सले अष्ट्रेलियालाई पहिलो खेलमा २–१ ले हरायो । एन्टोइने ग्रेजम्यानले पेनाल्टीबाट एक गोल गरे । अर्को गोल आत्मघातीका रुपमा अष्ट्रेलियाबाट पाएको थियो ।
अर्थात् आफ्ना खेलाडीबाट एक मात्र गोल । अर्को खेलमा पेरुमाथि १–० को जित । काइलियान एम्बाप्पेले गोल गरे । तर टिमको बल नियन्त्रण केवल ४४ प्रतिशत मात्र ।
डेनमार्क विरुद्ध फ्रान्स गोलरहित बराबरीको खेलमा रोकियो । बल ६१ प्रतिशत नियन्त्रणमा लिए पनि उसले गोल गर्न सकेन । निरश खेल्यो ।
गोलका लागि केवल ४ प्रहार मात्र गर्यो । निरश खेलमा डेनमार्कले एक बलमात्र गोलका लागि प्रहार गर्यो ।
पूर्व विजेता फ्रान्सलाई अहिले विश्वकपको उपाधि दावेदार मानिन्छ । तर केवल आफ्ना खेलाडीले दुई गोल मात्र गरे ।
सम्भवतः सजिलो समूहमा रहेकैले फ्रान्सलाई सहज भयो । तर के यही टिमले अगाडि उत्कृष्ट प्रदर्शन गर्ला ?
