२१ औं शताब्दीको खेल, यसपटक विश्वकप अर्को पटक समूह चरणबाटै ‘आउट’
प्रकाशित २०७५ असार १३ बुधबार
536
Shares
काठमाडौं । विश्वकप फुटबलको २१ औं शताब्दीमा अचम्मको संयोग बनेको छ । यो शताब्दीमा विश्वकपका ‘साविक विजेता’ हरु अर्को पटक समूह चरणबाटै बाहिरिएका छन् ।
सन् १९९८ को विजेता फ्रान्स सन् २००२ को विश्वकपमा पहिलो चरणबाटै बाहिरयो ।
सन् २००६ को विजेता इटाली सन् २०१० को विश्वकपको समूह चरणबाटै बाहिरिएको थियो ।
त्यसैगरी सन् २०१० को विजेता स्पेन सन् २०१४ को विश्वकपको समूह चरणबाटै बाहिरिएको थियो ।
त्यस्तै सन् २०१४ को विजेता जर्मनी सन् २०१८ को विश्वकपको समूह चरणबाटै बाहिरिएको छ । चार पटकको च्याम्पियन जर्मनी पहिलो चरणबाटै बाहिरिएको हो । यसअघि चार पटकको च्याम्पियन नै इटालीले त्यो दशा भोगेको थियो । इटाली यसपटक छनोट नै भएन ।
ब्राजिल भने यो मामलामा ‘लक्की’ सावित भयो । सन् २००२ को विजेता भए पनि उसले २००६ मा पहिलो चरणबाटै बाहिरिनु परेन ।
