जापान र कोलम्बिया दोस्रो चरणमा , फेयर प्लेको आधारमा जापान माथि उक्लियो

प्रकाशित २०७५ असार १४ बिहिबार

काठमाडौं। रसियामा जारि विश्वकप फुटबल प्रतियोगिता अन्तर्गत समुह 'एच'को खेल अन्तर्गत कोलम्बिया र जापान दोस्रो चरण मा प्रवेश गरेका छन् । कोलम्बियाले सेनेगललाई १-० गोलले पराजित गरेको हो भने जापान पोल्याण्डसँग १-० गोलले पराजित भएको हो।

कोलम्बिया ३ खेलमा ६ अंक सहित समुहमा पहिलो भएको हो भने जापान ३ खेलमा ४ अंक सहित दोस्रो स्थानमा रहेको छ। सेनेगलको पनि ३ खेलमा ४ अंक रहेको छ। जापानले सेनेगललाई फिफा फेयर प्लेको अंकका आधारमा पछि पार्दै दोस्रो भएको हो।

कोलम्बिया र जापानले समुह'जी'को बिजेता र उपबिजेता मध्य ईङल्याण्ड वा बेल्जियमसँग राउण्ड अफ सिक्सटिनमा प्रतिस्पर्धा गर्ने छन्। समुह 'जी'को बिजेता उपबिजेता निर्धारण ईङल्याण्ड र बेल्जियमको खेल पछि निर्धारण हुनेछ।

कोलम्बिया-सेनेगल
कोलम्बियाले सेनेगललाई १-० गोलले पराजित गरेको छ। खेलको ७४औं मिनेटमा यरी मिनाले गोल गर्दै कोलम्बियालाई १-०को अग्रता दिलाएका थिए। उक्त गोल नै कोल्बियाकालागि जित दिलाउन पर्याप्त भएको थियो।

जापान- पोल्याण्ड
पोल्याण्डले जापानलाई १-०ले पराजित गरेको छ। पराजित भए पनि जापान अंकका आधारमा दोस्रो चरण प्रवेश गरेको छ। पोल्याण्डका जान बेड्नारेकले ५९औं मिनेटमा गोल गर्दै आफ्नो टोलीलाई जित दिलाएका थिए।